Lectura de varios poemas da Avoa Sara na Fundación Wenceslao Fernández Flórez o día 15 de setembro a eso das sete da tarde e actuación posterior da Coral de Santa María de Cambre da que a Avoa Sara tamén é membro.
Eiquí vos deixo a noticia completa publicada na páxina da Fundación, da cal tedes un link nesta mesma páxina:
TARDES DE LECER NA FUNDACIÓN WENCESLAO FERNÁNDEZ FLÓREZ
O vindeiro sábado, día 15 de setembro, Rosario Saavedra, máis coñecida no universo cibernético como A Avoa Sara, visitará a FWFF para dar a coñecer algúns dos seus poemas de recente creación. Neste recital tamén participará o grupo de teatro Fas-que-fas dando lectura a algunhas das rimas da poetisa de Cela, Cambre.
Rosario Saavedra naceu en Soñeiro hai… 80 e tantos anos, como ela mesma di. Comezou a escribir sendo aínda moi nova, creando textos “con chispa” e Testamentos para o Antroido, combinados con música. Na actualidade ocupa o seu tempo libre na Coral de Santa María de Cambre, segue a escribir e practica todo tipo de diversións que o tempo lle permite. O seu blog, feito coa colaboración do seu neto, tivo grande éxito, sendo obxecto dun programa da TVG, “Realidades”, onde se facía unha comparación entre as diferentes espectativas que moitas persoas maiores teñen para invertir o seu tempo.
Para acompañala neste día, estará tamén con nós a Coral de Santa María de Cambre, que xa visitou a FWFF en anteriores ocasións interpretando variadas pezas do seu repertorio con grande éxito de público.
Este evento terá lugar o sábado, día 15, por volta das sete do serán en Villa Florentina. A entrada, coma sempre, será gratuíta.
No hay comentarios:
Publicar un comentario