A cama

A cama, niño de amor,
cariño e paixón.
A cama para soñar,
dormir e cavilar.

Na cama hai pensamentos
bos e malos.

Na cama cométense pecados
pero ela non te delata,
escoita e aguanta.

A cama é a tua mellor amiga,
pois pasas nela
a metade da tua vida.

A cama para o descanso,
a cama para os enfermos,
para grandes nacementos
e para os mortos leito.

A cama sempre a tés
ben arranxada,
e poslle boas sabas,
case sempre brancas.

A cama deixala pola mañá,
pero ó chegar a noite
alí esperando está.

E fálaslle e dislle:
"¡que ganas tiña de verte!
hoxe estás fría,
pero non te preocupes
que dentro dun pouco
haiche sobrar calorciña".

Por iso eu cavilo
que a cama é sagrada,
que foi un bó invento
e que merece un monumento.